Қашқадарё вилоятининг Қарши шаҳрида Labo русумли транспорт воситаси ёниб кетди. Бу ҳақда вилоят ФВБ матбуот хизмати хабар берди.
Қайд этилишича, 15 апрель куни соат 12:03 ларда Қарши шаҳар “Худойзод” МФЙ, Тафаккур кўчасида Labo автомобилининг ёнаётгани тўғрисида ФВБга хабар келиб тушган. Воқеа жойига ёнғин-қутқарув бўлинмаси соат 12:11 да етиб борган ва ёнғин тўлиқ соат 12:17 да ўчирган.
Аниқланишича, Самарқанд вилояти Тойлоқ туманида яшовчи фуқаро С.Б.га тегишли оқ рангли Labo шатакка олиб кетилаётган бўлган.
Ёнғин электр симларининг қисқа туташуви сабабли юзага келгани тахмин қилинмоқда. Ёнғиндан тан жароҳати олганлар йўқ.
Бундан олдин Тошкент—Ўш автомобиль йўлида содир бўлган йўл-транспорт ҳодисасида юк машинаси бутунлай ёниб кетганди. Шунингдек, Самарқандда ёнилғи сиғими 20 тонна бўлган юк машинаси ёниб кетгани, Андижонда йўл четида турган Nexia’да ёнғин чиққани, Қамчиқ довонида лак-бўёқ ортилган юк машинаси ёниб кетиши оқибатида бир неча киши жабрлангани тўғрисида хабар берилганди.
Изоҳ (0)