Bosh prokuratura huzuridagi departament tomonidan O‘zbekistonning qator hududlarida elektr tarmoqlariga noqonuniy ulanish holatlari fosh etildi.
Xususan, departamentning To‘raqo‘rg‘on, Davlatobod, Kasbi va Chiroqchi tuman bo‘limlari tomonidan ETK xodimlari bilan hamkorlikda tergovga qadar tekshiruvlar o‘tkazilgan. Tekshiruvlar davomida S.N va U.Ya. ismli fuqarolar o‘zlariga tegishli savdo va maishiy xizmat ko‘rsatish shoxobchalarini hamda “K.c.” MCHJ rahbari J.Sh. va fuqaro O.X. ekin yer maydonlarini sug‘orishda elektr nasoslarini o‘zboshimchalik bilan umumiy foydalanishdagi elektr tarmoqlariga ulanib, jami 336,6 million so‘mlik elektr energiyasidan noqonuniy foydalangani aniqlangan.
Mazkur holatlar yuzasidan Jinoyat kodeksining 185-2-moddasi (elektr, issiqlik energiyasi, gaz, vodoprovoddan foydalanish qoidalarini buzish) bilan jinoyat ishlari qo‘zg‘atilib, tergov harakatlari o‘tkazilmoqda.
Jizzax, Andijon va Farg‘ona viloyatlarida elektrdan noqonuniy foydalanganlar 913,5 million so‘m zarar yetkazgani to‘g‘risida xabar berilgandi. Shuningdek, O‘zbekistonning uch viloyatida gaz va svetdan noqonuniy foydalanganlar qariyb 352 mln so‘m zarar yetkazgandi.
Izoh (0)