Qamchiq dovonida YTHga uchragan yuk mashinasi butunlay yonib ketdi (foto)

Toshkent—O‘sh avtomobil yo‘lida sodir bo‘lgan yo‘l-transport hodisasida yuk mashinasi butunlay yonib ketdi, deb xabar beradi FVV matbuot xizmati.

Qayd etilishicha, 15-aprel soat 02:48 da Toshken—O‘sh avtomabil yo‘lining 225-kilometrida, “Qo‘shminor” MFY hududida harakatlanib ketayotgan Buxoro viloyati Shofirkon tumanida yashovchi fuqaro boshqaruvida bo‘lgan DAF rusumli yuk mashinasi boshqaruvni yo‘qotgan. Natijada yuk mashinasi avtomobil yo‘lining o‘rta temir to‘sig‘iga urilib, yo‘l-transport hodisasi sodir etgan va mashinada yong‘in kelib chiqgan. Yong‘in oqibatida avtomashina va yukxona to‘liq yonib zararlangan.

Hodisa oqibatida tan jarohati olgan va halok bo‘lganlar yo‘q. Yong‘in Qamchiq Favqulodda vaziyatlar boshqarmasi Yong‘in qutqaruv ekipajlari tomonidan soat 03:20 da to‘liq o‘chirilgan.

Bunga oldin Samarqandda yonilg‘i sig‘imi 20 tonna bo‘lgan yuk mashinasi yonib ketgani, Andijonda yo‘l chetida turgan Nexia’da yong‘in chiqqani, Qamchiq dovonida lak-bo‘yoq ortilgan yuk mashinasi yonib ketishi oqibatida bir necha kishi jabrlangani to‘g‘risida xabar berilgandi.