Qirg‘izistonda 15-aprel kuni soat 14:49 da 4 magnitudali zilzila sodir bo‘ldi. Zilzila kuchi O‘zbekistonning hududlarida ham sezildi, deb xabar beradi Seysmoprognostik monitoring markazi.
Zilzila koordinatalari: 40,87 gradus shimoliy kenglik; 73 gradus sharqiy uzunlik. Magnituda М=4. Chuqurlik 15 kilometr. Zilzila episentri Toshkentdan 320 kilometr janubiy-sharqda.
O‘zbekiston hududia sezilish kuchi:
- Xonobod tumanida — 3 ball;
- Qo‘rg‘ontepa tumanida — 2-3 ball.
Bir necha kun oldin Qozog‘iston Favqulodda vaziyatlar vazirligi rahbari Yuriy Ilin Turkiyadagi vaziyat Qozog‘istonni seysmik xavfsizlik masalalariga alohida e’tibor qaratishga undaganini ta’kidlagandi. Ilinning so‘zlariga ko‘ra, Qozog‘iston hududining 40 foizdan ortig‘i ushbu tabiiy ofatni boshdan kechirgan. FVV tizimiga o‘tkazilgan Seysmologiya instituti ko‘p yillar davomida deyarli moliyalashtirilmagan. 2023-yilda esa ushbu institut joylashgan Olmaotada zilzila xavfini batafsil tahlil qiladigan 30 dan ortiq stansiyalar o‘rnatiladi. Stansiyalar joriy yil oxirigacha Qozog‘iston prezidenti topshirig‘iga binoan mahalliy budjet hisobidan foydalanishga topshiriladi.
Izoh (0)