11-aprel kuni Qozog‘iston poytaxti Ostonadagi Energetika vazirligi binosi yonida miting o‘tkazgan 126 nafar neftchining hammasi qo‘lga olindi. Ular ish so‘rab miting o‘tkazgan.
Qozog‘iston Bosh prokurori o‘rinbosari Jandos Umiraliyevning so‘zlariga ko‘ra, ayni vaqtda fuqarolar qo‘yib yuborilgan. Noqonuniy harakatning besh nafar ishtirokchisiga nisbatan ogohlantirish tarzidagi intizomiy jazo chorasi qo‘llanilgan.
“BerAli Mangistau” korxonasining ishdan bo‘shatilgan 150 ga yaqin ishchisi 11-aprel kuni Ostonadagi Energetika vazirligi oldida yig‘ilib, ularni “O‘zenMunayGaz”ga ishga joylashtirishlarini talab qilgan.
Neftchilar “BerAli Mangistau” korxonasi tenderda yutqazgani uchun ishsiz qolgan.
Izoh (0)