Qozog‘istonning migratsiya qonunchiligini buzgan 18 nafar O‘zbekiston fuqarosi Olmaota politsiyasi tomonidan mamlakatdan chiqarib yuborildi. Bu haqda “Polisia.kz” xabar berdi.
Olmaota politsiyasi tomonidan olib borilgan tezkor-profilaktik tadbirlar davomida 18 nafar O‘zbekiston va Tojikiston fuqarosi aniqlandi.
“18 nafar huquqbuzarni davlat chegarasigacha olib borishni tashkil etdik. Ushbu maqsadlar uchun ko‘p o‘rinli avtobus taqdim etildi. Ular davlat chegarasining Jibek jo‘li (Chernyayevka) nazorat-o‘tkazish punktigacha kuzatib borildi”, — deydi migratsiya boshqarmasi boshlig‘i Asxat Butunchinov.
Shuningdek, u Olmaota politsiyasi noqonuniy migratsiya kanallarini, chet elliklarni noqonuniy yollash faktlarini aniqlash maqsadida doimiy ravishda “Migrant”, “Noqonuniy” va “Qonun va tartib” bo‘yicha ish olib borishini aytdi.
Ma’lumot o‘rnida, O‘zbekiston qo‘shni Qozog‘iston Respublikasini ishchi kuchi bilan ta’minlash borasida beshinchi o‘rinda turadi. Qozog‘istonga ishlash uchun asosan Xitoy, Hindiston, Turkiya, Buyuk Britaniya va O‘zbekistondan chet elliklar keladi. Hozir respublikada 1640 nafar ish beruvchi xorijlik migrantlar xizmatidan foydalanmoqda. Qayd etish joizki, xodimlarning 96 foizi Qozog‘iston respublikasi fuqarolaridir.
Izoh (0)