Qozog‘iston Tashqi ishlar vazirligi vakili Aybek Smadiyarov Isroil politsiyasining al-Aqso masjidida falastinliklarga qarshi hujumidan so‘ng respublikaning bu bo‘yicha pozitsiyasini bildirdi. Bu haqda Tengrinews xabar berdi.
Munosabatda Qozog‘iston Yaqin Sharqda muborak al-Aqso masjidiga qilingan hujumlar munosabati bilan keskinlik kuchayib borayotganidan xavotir bildirgan.
“Hozirgi vaziyatda sog‘lom fikr g‘alaba qozonishiga va tomonlar vazminlik ko‘rsatib, zo‘ravonlik va vaziyatning yanada yomonlashuviga olib keladigan qadamlar, shuningdek, da’vat qilish harakatlaridan tiyilishiga umid bildiramiz”, — dedi Smadiyarov.
Uning qo‘shimcha qilishicha, mazkur vaziyatda status-kvoga amal qilish zarur.
“Umid qilamizki, siyosiy, diniy va jamoat rahbarlari muqaddas Ramazon oyi va Fisih bayramida keskinlikni kamaytirish uchun barcha sa’y-harakatlarini amalga oshiradi. Qozog‘iston har doim bag‘rikenglik va dinlararo muloqotni mustahkamlash tarafdori va xalqaro hamjamiyatning BMT Xavfsizlik kengashi rezolyutsiyalariga muvofiq Yaqin Sharq muammosini tinch yo‘l bilan hal etishga qaratilgan sa’y-harakatlarini qat’iy qo‘llab-quvvatlaydi”, — dedi Smadiyarov.
Izoh (1)
Isroildagi al-Aqso masjididagi
Xato Falastindagi deb yozing