Navoiy viloyati Konimex tumanida elektrdan noqonuniy foydalangan korxona qariyb 180 million so‘m zarar yetkazgani aniqlandi. Bu haqda viloyat prokuraturasi axborot xizmati xabar berdi.
Xabarga ko‘ra, holat Konimex tuman prokuraturasi tomonidan elektr energiyasidan foydalanish sohasidagi qonunchilik ijrosi yuzasidan o‘tkazilgan nazorat tadbirlarida aniqlangan. Tumanda joylashgan “K.V” MCHJ masʼul shaxslari jamiyatga tegishli bo‘lgan cho‘pon atariga o‘zboshimchalik bilan to‘g‘ridan to‘g‘ri elektr tarmog‘iga ulanib, hisoblagichsiz elektr energiyasidan noqonuniy foydalanib kelingani natijasida 179 million 755 ming so‘mlik zarar yetkazilgani aniqlangan.
Mazkur holat yuzasidan Jinoyat kodeksining 185-2-moddasi (elektr, issiqlik energiyasi, gaz, vodoprovoddan foydalanish qoidalarini buzish) bilan jinoyat ishi qo‘zg‘atilib, tergov harakatlari olib borilmoqda.
Izoh (0)