Навоий вилояти Конимех туманида электрдан ноқонуний фойдаланган корхона қарийб 180 миллион сўм зарар етказгани аниқланди. Бу ҳақда вилоят прокуратураси ахборот хизмати хабар берди.
Хабарга кўра, ҳолат Конимех туман прокуратураси томонидан электр энергиясидан фойдаланиш соҳасидаги қонунчилик ижроси юзасидан ўтказилган назорат тадбирларида аниқланган. Туманда жойлашган “К.B” МЧЖ масъул шахслари жамиятга тегишли бўлган чўпон атарига ўзбошимчалик билан тўғридан тўғри электр тармоғига уланиб, ҳисоблагичсиз электр энергиясидан ноқонуний фойдаланиб келингани натижасида 179 миллион 755 минг сўмлик зарар етказилгани аниқланган.
Мазкур ҳолат юзасидан Жиноят кодексининг 185-2-моддаси (электр, иссиқлик энергияси, газ, водопроводдан фойдаланиш қоидаларини бузиш) билан жиноят иши қўзғатилиб, тергов ҳаракатлари олиб борилмоқда.
Изоҳ (0)