Farg‘ona viloyatining O‘zbekiston tumanida inson o‘limi bilan bog‘liq yo‘l-transport hodisasi sodir bo‘ldi. Bu haqda “Daryo”ga viloyat IIB JXX YHXB axborot xizmati ma’lum qildi.
Qayd etilishicha, hodisa 2023-yil 5-aprel kuni soat 21:00 larda O‘zbekiston tumani "Tuyul" MFY hududidan o‘tgan 4R-154 Qo‘qon—Yaypan—Isfara avtomobil yo‘lining 22-kilometrida yuz bergan.
1996-yilda tug‘ilgan M.M. boshqaruvidagi Matiz avtomobili qarama-qarshi yo‘nalishga o‘tib ketib, 1974-yilda tug‘ilgan X.D. boshqaruvidagi МАN rusumli yuk avtomobiliga urilgan. Natijada Matiz avtomashinasida yong‘in sodir bo‘lib, haydovchisi M.M. og‘ir tan jarohati olib, voqea joyida vafot etgan.
Izoh (0)