O‘zbekiston davlat idoralarida qisqartirish bilan bog‘liq ishdan bo‘shatishlar vaqtincha to‘xtatildi
Prezident administratsiyasi rahbari Sardor Umrzoqov ma’muriy islohotlar doirasida yangi va qayta tashkil etilgan vazirlik va idoralar xodimlarining mehnat shartnomalarini bekor qilishni vaqtincha to‘xtatish haqida topshiriq berdi.
Yurist Saidali Muxtoraliyevning ma’lum qilishicha, mehnat shartnomalarini bekor qilish to‘g‘risidagi ogohlantirish muddatlari uzaytirilishi ham ko‘zda tutilgan. Yurist bu xabarni unga Mehnat inspeksiyasi mas’uli Laziz Qarshiyev ham tasdiqlaganini bildirgan.
Bandlik vazirligiga ko‘ra, amaldagi Mehnat kodeksida ogohlantirish muddati kamida ikki oy oldin berilishi kerakligi belgilangan. Shunga ko‘ra, ish beruvchi tomonidan ushbu ogohlantirish muddatini uzaytirish qonuniy hisoblanadi. Belgilangan muddatlarda ishga joylasha olmagan xodimlarning ogohlantirish muddatini uzaytirish ularga o‘ziga maqbul ish o‘rni topishida imkoniyat yaratadi.
“Belgilangan muddatlarda ishga joylasha olmagan xodimlarning ogohlantirish muddatini uzaytirish ularga o‘ziga maqbul ish o‘rni topishida imkoniyat yaratadi. Bundan tashqari, ish beruvchining tashabbusi bilan mehnat shartnomasi bekor qilingan xodimlarning ishdan bo‘shatilishi to‘g‘ri rasmiylashirilganligi, yetarli asoslar mavjudligi va belgilangan tartibga rioya etilganligini qayta ko‘rib chiqishni tavsiya etamiz”, — deyiladi vazirlik xabarida.
