Onasining soyasida: ota-onasi tufayli mashhur bo‘lgan Gollivud yulduzlari

Mazkur aktrisalarni har doim qizil gilamda ko‘rasiz, lekin ota-onalari qizining bugungi mashhurligi uchun juda ko‘p kuch sarflaganini ko‘pchilik bilmaydi.

Gvinet Peltrou

Amerikalik aktrisa va teleboshlovchi mashhur ota-onalar oilasida tug‘ilgan. Uning otasi Bryus Peltrou rejissor va prodyuser, onasi Blayt Danner esa mashhur Gollivud aktrisasi edi. Danner televideniyedagi (masalan, Kolombo teleserialidagi) va filmlardagi rollari bilan tanilgan. Blayt Danner rol o‘ynagan eng mashhur filmlardan biri “Ota-onalar bilan tanishish” (2000) filmida Robert De Niro qahramonining rafiqasi rolini o‘ynagan.

Gvinetning kelajakdagi kasbi bolaligidanoq belgilab qo‘yilgandek tuyulishi mumkin, ammo o‘smirlik davrida u karyerasini mustaqil qurishga qaror qiladi va san'at tarixini o‘rganish uchun universitetga kiradi. Biroq Peltrou tez orada onasidan o‘rnak olib, o‘zini aktrisalikka bag‘ishlash uchun o‘qishini tashlaydi.

Peltrou faoliyatini 90-yillarda boshlagan va “Qichqiriq”, “Yetti”, “Tanama-tana” kabi mashhur filmlarda rol o‘ynagan. 1998-yilda u “Oshiq Shekspir” filmidagi Violetta roli uchun “Oskar” olgan. Shuningdek, Gvinet Peltrou Marvel olami, xususan, “Temir odam” filmidagi Toni Starkning yordamchisi va keyinchalik sevgilisi Pepper Potts roli bilan tanilgan.

Opa-singil Xadidlar

Jiji va Bella Xadid — zamonaviy Amerika shou-biznesining mashhur modellari hisoblanadi. Opa-singillarning onasi Iolanda Xadid ham turmush qurishdan oldin modellik biznesida ishlaganini ko‘pchilik bilmaydi. 2010-yillarda u “Beverli-Xillzning haqiqiy uy bekalari” realiti-shousidagi ishtiroki tufayli mashhur bo‘ladi.

Ko‘p jihatdan Iolanda farzandlarining kelajakdagi kasbiga o‘z ta’sirini o‘tkazgan. Misol uchun, opa-singillarning eng kattasi Jiji qizini agentlikka olib kelgan onasi tufayli uch yoshidayoq modellik biznesiga kirib keladi.

So‘nggi yillarda Iolanda Xadid qizlariga nisbatan qattiqqo‘llikda ayblanmoqda. Kichik singil Bella bolaligida ruhiy salomatlik va ovqatlanish tartibi buzilishi (EDD) bilan og‘riganini tan oldi. Yulduzning muxlislari buni onalarining tarbiya usullari bilan bog‘lashdi. Xuddi shu realiti-shouning fragmentlaridan birida Iolanda qizlaridan biriga shunday deydi: “Sizlar bir oqshom yomon qiz bo‘lishingiz mumkin. Ammo har doim diyetaga qaytishingiz kerakligini unutmang. Parij va Milanda juda nozik qizlarni yoqtirishadi!”. Shunga o‘xshash gaplar bilan Iolanda qizlarining psixologik holatiga salbiy ta'sir ko‘rsatishi mumkin bo‘lgan ovqatlanish odatlarini singdirgan deb hisoblashadi.

Anjelina Joli

Jolining onasi Bertran aktrisa sifatida juda mashhur bo‘lmagan. U ko‘p vaqtini bolalarini tarbiyalash va xayriya ishlari bilan o‘tkazadi. Anjelina Joli birinchi darajali aktrisa sifatida karyerasini qurib, kinoda mashhur bo‘la olmagan onasi Bertranning orzularini ro‘yobga chiqardi.

Gollivud aktyorlarining ko‘plab farzandlari singari Anjelina Joli ham ota-onasi tufayli birinchi roliga erishadi. U otasi bilan birga “Chiqish yo‘li” filmida rol o‘ynagan, filmda ular ota va qiz rolini o‘ynashgan. Xuddi shu voqea mashhur “Lara Kroft: Muqaddima” filmida takrorlangan, unda ham ota va qiz yana birga rol o‘ynagan.

Jennifer Eniston

Teleseriallarning bo‘lajak yulduzi ikki aktyor — Jon Eniston va Nensi Dou oilasida tug‘ilgan. Enistonning ota-onasi u 10 yoshga to‘lganida ajrashishadi. Ajralishdan keyin otaning karyerasi yuqoriga ko‘tariladi, onasi esa bolalarni tarbiyalashi va filmlarda rol o‘ynashni to‘xtatishi kerak edi.

Jennifer Eniston o‘smirlik chog‘idayoq aktrisa bo‘lishni orzu qiladi. Albatta, ota-onasi unga yordam berishadi. Jennifer birinchi marta ekranda otasi Jon o‘ynagan serialning epizodlarida paydo bo‘ladi. Biroq bo‘lajak aktrisaga oson bo‘lmagan, u “Do‘stlar” teleserialidagi asosiy rolini olmaguncha, ko‘plab kastinglarga borgan. Ushbu loyiha Jennifer Eniston karyerasini boshlab beradi. “Do‘stlar” hali ham televideniye tarixidagi eng yaxshi sitkomlardan biri hisoblanadi.