20 yil oldin qo‘rqoq, lekin juda yoqimtoy mallasoch yigit Ron Uizli qalbimizni zabt etganiga ishonish qiyin. Franshizadan so‘ng aktyor uzoq vaqt ekranlarda ko‘rinmadi. Lekin oxir-oqibat omad unga kulib boqdi.
Grint bolaligidan teatrni yaxshi ko‘rgani uchun aktyorlik bilan shug‘ullangan
Rupert bolaligida muzqaymoqchi bo‘lishni orzu qilganini tan olgan bo‘lsa-da, boshlang‘ich sinfda u teatrga jiddiy qiziqib qolgan. O‘shandan beri doimiy ravishda maktab spektakllarida qatnashgan, shuningdek, mahalliy teatr klubiga a’zo bo‘lgan. Grint aktyorlikka shunchalik berilib ketadiki, 16 yoshida Rupert butun e'tiborini ijodiy faoliyatiga qaratish uchun maktabni tashlaydi.
Aktyor rep o‘qiganidan keyin Ron Uizli rolini oladi
Grint Garri Potter kitoblarini yaxshi ko‘rardi. Shu bois televizorda film suratga olinayotgani, kasting o‘tkazilayotgani haqidagi xabarni ko‘rgach, darhol ariza jo‘natadi.
Rolni olish uchun yosh aktyorning o‘zi Ron Uizlini qanday o‘ynashni xohlashi haqida rep yozadi va o‘z trekini ijro etuvchi video suratga oladi. Uni darhol payqashadi va yuzma-yuz uchrashuvga taklif qilishadi. Natijada Rupert ilgari hech qachon filmlarda rol o‘ynamagan, odatda faqat maktab spektaklida ishtirok etgan bo‘lsa-da, rolni qo‘lga kiritadi.
Grint Ron roliga moslashmaydi – u o‘zini o‘ynaydi
Aktyorning aytishicha, u Ron Uizliga juda o‘xshaydi. Nafaqat tashqi jihatdan, balki xarakterda ham. Grint qahramoni bilan o‘zini bir odamdek his qiladi va suratga olish oxirida rol o‘ynamaydi, balki deyarli o‘zini ijro etadi. Rupert personajiga shunchalik moslashadiki, hatto rejissor Martin Skorseze ham uning “Potter” filmidagi ijrosini qayd etadi.
Aytgancha, aktyor Ron ismiga osongina javob qaytarishini tan oladi: “Bu ikkinchi ismim”. Rupertning hayotida hatto qahramoninikiga o‘xshash kulgili voqea ham yuz bergan.
“Garri Potter va Azkaban mahbusi” yangi rejissor tomonidan suratga olinadi. Yosh aktyorlar bilan tanishish uchun u Daniel Redkliff (Garri Potter), Emma Uotson (Germiona Grenjer) va Rupert Grintdan o‘z qahramonlari haqida insho yozishni so‘raydi. Ammo Rupert umuman hech narsa yozmagan — Ron ham shunday qilgan bo‘lardi, deydi.
“Potter” filmini suratga olish jarayonida Grint 4 ta qo‘shimcha loyihada rol o‘ynaydi
Aktyor band bo‘lishiga qaramay, “Garri Potter”dan tashqari bir nechta filmlarda o‘ynaydi va hammasida turli obrazlarda paydo bo‘ladi.
2002-yilda “Momaqaldiroq” komediyasi chiqadi. Rupert bu yerda hid bilmaslikdan aziyat chekadigan eksentrik vunderkindni o‘ynaydi. 4 yildan so‘ng Grint “Haydovchilik darslari” filmida ham rol ijro etadi. Filmda aktyor keksa aktrisa bilan do‘stlashgan g‘amgin o‘spirin sifatida qayta tug‘iladi.
2009-yilda Grint “Olchali bomba” filmida paydo bo‘ldi. U qizning e’tiborini qozonish uchun do‘sti bilan raqobatlashadigan yigit obrazini yaratdi. Nihoyat, 2010-yilda Rupert “Yovvoyilar” filmida tajribali jinoyatchining shogirdi rolini o‘ynaydi. Aktyor uchun bu film ham o‘zini butunlay boshqa rolda sinab ko‘rish imkoniyati edi.
Tomoshabinlar barcha 4 ta filmni sovuqqonlik bilan kutib olishgan bo‘lsa-da, tanqidchilar Rupert Grintning o‘yinini alohida ta'kidlashadi.
Potteriandan keyin Grint ijodiy krizisga duch keladi
Franshizani suratga olish paytida Rupert juda charchagan edi. Bir marta u hattoki rolini “bo‘g‘uvchi” deb atagan. Biroq Grint 2009-yilda suratga olish tugashidan qo‘rqishini tan oladi: “Doim Garri Potter tugashi bilan aktyorlik karyeram men uchun tugashi mumkin deb o‘ylayman. Aktyorligimga nisbatan menda bir oz xavotir bor”.
So‘nggi film chiqqandan so‘ng aktyor darhol ko‘p bo‘sh vaqtga ega bo‘ladi. Avvaliga bu Grintga yoqadi. Ammo keyinroq u yanada xavotirlana boshlaydi: “Boshqa nima qilishimni bilmayman. Men faqat bitta personajni o‘ynay olamanmi? Asta-sekin Grint boshqa obrazlarga moslasha boshladi va ijro uslubini rivojlantiradi.
Aktyorga shunchalik ko‘p bir xil rollar taklif qilindiki, u hatto kinodan ketishni ham xohlaydi
2011-yilda omon qolgan bola haqidagi franshizaning oxirgi qismi chiqdi. Intervyulardan birida Grint Potterdan keyin unga takliflar bo‘yicha omadi kelmayotganini aytdi. U jiddiy, chuqur qahramonlarni o‘ynashni xohlardi. Rejissorlar esa Rupertga Ron Uizli obraziga o‘xshash o‘nlab rollarni taklif qilishadi.
Shunday paytlar bo‘ladiki, aktyor kasbini o‘zgartirish haqida o‘ylaydi. Aytgancha, bu vaqtda Grint bolalikdagi orzusini amalga oshiradi — u muzqaymoq mashinasi sotib oladi. Shunga qaramay, u teatrda bo‘lgani kabi filmlarda ham o‘ynashni davom ettiradi. 2014-yilda aktyor hatto Brodveyda debyut qiladi va nufuzli mukofotga sazovor bo‘ladi.
2010-yillarda Grint atigi 4 ta filmda o‘ynagan, ko‘pincha teleko‘rsatuvlarda ishtirok etgan
Nihoyat Ron Uizli obrazi bilan xayrlashishga urinib, 2010-yillarda Grint 4 ta filmda suratga tushgan. Ulardan faqat 2 tasida aktyor bosh rollarni ijro etgan.
2012-yilda “Oq asirlikda” filmida Rupert salbiy — uchuvchi rolini o‘ynadi. 2015-yilda esa “Oy firibgarligi” filmida Grint do‘stidan qo‘shimcha pul ishlashga qaror qilgan firibgar sifatida qayta tug‘ildi. Yana ikkita lentada — “Xavfli illyuziya” va 2013-yilda “CBGB klubi” kartinasida aktyor kichik rollarni o‘ynagan.
Aktyor 8 yildan beri ajoyib taklifni kutdi
2019-yildagi eng ko‘zga ko‘rinmas va hatto muvaffaqiyatsiz loyihalardan so‘ng, omad nihoyat aktyorga kulib boqdi. Yaqinda Grint bir nechta muvaffaqiyatli loyihalarda rol o‘ynadi. Uni “Xizmatkorli uy” teleserialidagi bosh rolda ko‘rish mumkin. Aktyor “Gilermo del Toroning kabineti”ning bir epizodida ham suratga tushgan. Nihoyat 2023-yil fevral oyida Rupert Grint ishtirokidagi “Eshikni taqillat” filmi chiqdi.
Bugungi kunda aktyor tomoshabinlar oldida butunlay boshqacha rolda paydo bo‘ladi: u tobora ko‘proq fojiali, azob chekkan qahramonlarni o‘ynamoqda. Va bu unga mos keladiganga o‘xshaydi. Tanqidchilar aktyorning ijodini maqtashdan to‘xtamayapti.
Grint potteriandagi ishi bilan faxrlanadi, lekin debyut roli bilan xayrlashishga tayyor
Hozirda Grint potteriandagi surat olish jarayonlarini iliq xotiralar bilan eslaydi. Shuningdek, u Ron Uizli roli bo‘lmaganda taqdiri qayerga burilishini va umuman aktyor bo‘lolarmidi, bu haqda bir necha bor o‘ylaganini aytadi.
Rupertning fikricha, uning kelajakdagi faoliyatida Garri Potter filmlaridan kattaroq kartinalar bo‘lishi dargumon. Shunga qaramay, u franshiza bilan xayrlashishga tayyor ekanligini tan oladi.
Grintning potterianning remeyk qilish imkoniyati haqida qanday fikrda ekanligi haqidagi savolga u shunday javob beradi: “Garri Potterning serialga aylanishini istardim. Menimcha, boshqa birovga Ron Uizlini o‘ynashga ruxsat berish estafetani uzatishga o‘xshaydi. Men bu qahramonni asrab-avaylayotgandekman, chunki uni jonlantirish uchun men tanlanganman. Bu rolni qo‘yib yuborish qiyin. Ammo hammasi yaxshi bo‘ladi”.
Izoh (0)