Jeyms Kemeron, Leonardo Di Kaprio va atrof-muhit va tabiat haqida qayg‘uradigan boshqa mashhurlar
Gollivud yulduzlari orasida Yer sayyorasi, tabiat muhofazasiga o‘z hissasini qo‘shadiganlari ham bor. Ularning ayrimlari yovvoyi tabiatdagi hayvonlarni asrash uchun sarmoya kiritgan bo‘lsa, boshqalari o‘rmonlarni tiklash uchun mablag‘ ajratgan.
Leonardo Di Kaprio
“Titanik” kinokartinasi yulduzi Leonardo Di Kaprio Yer sayyorasining ekologik himoyachilardan biri. Aktyor o‘zining DiCaprio Foundation (LDF) fondini yaratdi, u sayyoramiz kelajagi bilan bog‘liq muammolarni hal qilish uchun muntazam sammitlarni o‘tkazadi.
Ta’kidlash joizki, aktyor qulay yashash sharoiti tabiiy resurslardan iborat bo‘lgan uyda yashaydi: uning uyidagi isitish quyosh energiyasidan olinadi, avval ishlatilgan suv qayta ishlatiladigan tozalashdan o‘tadi, tom va balkonlarga ekilgan bargli daraxtlar havoni yaxshilashga xizmat qiladi.
Leonardo Butunjahon yovvoyi tabiat fondiga katta miqdorda xayriya qiladi (u Rossiya Federatsiyasi hududidagi xorijiy agent hisoblanadi) va hozirgi kunda hujjatli filmlar suratga oladi.
Masalan, yovvoyi tabiat haqidagi “11-soat” filmi Afrikadan Parijga hayvonlarning mo‘ynasini tashish haqida kinokartina hisoblanadi.
Aktyorning mashinasi ham barcha ekologik standartlarga muvofiq ishlab chiqarilgan bo‘lsa ajab emas. Masalan, salon yog‘och qismlardan yasalgan bo‘lib, ular kesilgan daraxtlardan emas, balki quruq o‘z-o‘zidan tushgan yog‘ochdan qilingan.
Aktyor ijtimoiy tarmoqlarda faol ravishda o‘z blogini yuritadi va insonlarni hozirgi tabiiy muammolarga befarq bo‘lmaslikka undaydi. Leonardo Di Kaprio sammitlarda dunyo bo‘ylab aktivistlar yetakchisi hisoblangan Greta Tunberg bilan ham uchrashgan.
Emma Uotson
“Garri Potter” filmidagi Germiona Grenjer roli bilan tanilgan aktrisa Emma Uotson kiyim masalasida oqilona yo‘l tutishga qaror qildi. Aktrisa 2009-yildan buyon tabiiy mo‘yna, teridan tikilgan kiyimlarni kiymaydi va atrof-muhitga zarar keltirmaydigan kiyimlarni afzal ko‘radi.
Emma barqaror moda maslahatchisi hisoblanadi va yirik moda uylari: Gucci, Louis Vuitton, Balenciaga va Saint Laurent bilan hamkorlik qiladi.
U 2015-yilda Britaniyaning People Tree brendi ko‘magida ekologik toza materiallardan kiyimlar yaratishda ishtirok etdi. Ushbu brend ostida ishlab chiqarilgan barcha kiyimlar tabiiy materiallardan tayyorlangan, bo‘yoq mahsulotlari esa o‘simliklar va mevalardan olingan. Uotson bilan hamkorlikdagi kolleksiya Love from Emma deb nomlangan.
Jessika Alba
Aktrisaning hayotdagi asosiy prinspi — o‘z uyidan boshlab, buyuk ishlarni amalga oshirish. Shuning uchun Alba interyer detallariga jiddiy yondashadi: xona gilamlari qayta ishlangan tennis koptoklaridan, axlat qutilari esa chips qoplaridan qilingan.
U hatto uch nafar farzandining yotoqxonalarini ham ekologik toza materiallardan yasatgan. Jessikaning oila a’zolari organik paxtadan tikilgan kiyimlarni kiyinishni afzal ko‘radi.
Jeyms Kemeron
“Avatar” kinokartinasining rejissori yangi filmlarni yaratishda ham kelajak haqida qayg‘uradi. Masalan, uning ilmiy-fantastik kinokartinasini suratga olish jarayoni ekologik toza studiyada bo‘lib o‘tdi va bo‘yoqlar, kostyumlar xuddi shu prinsip asosida yaratilgan.
Kemeron Yerga zarar yetkazmaslik uchun suratga olish jarayonlaridan oldin quyosh panellarini o‘rnatdi va ularning resurslari bo‘yicha loyihalar yaratdi. Bu qaror unga 5 million dollarga tushdi.
Jeyms ishdan tashqari ekomobil haydaydi, katta fermasini boshqaradi va o‘rmonlardagi daraxtlarni kesishga qarshi chiqadi.
Jizel Byundxen
Braziliyalik supermodel o‘z uyini eng so‘nggi ekotexnologiyalar bilan jihozladi va uni yashil rangga bo‘yadi. E’tiborlisi, uning saroyi ekoarxitektura me’yorlari asosida qurilgan – har bir detal tabiiy qurilish materiallaridan iborat bo‘lib, uyning tomiga quyosh panellari o‘rnatilgan.
Jizel BMTning ezgu niyat elchisi hisoblanadi. U ko‘plab tashkilotlar bilan hamkorlik qiladi. Model qayta ishlangan materiallardan biologik parchalanadigan sandallar liniyasini yaratdi.
Byundxen muntazam ravishda daromadining yarmini Braziliya o‘rmonlarini tiklash va dengiz toshbaqalarini himoya qilishga sarflaydi. Model faollar bilan birgalikda 15 gektar yerga 25 mingdan ortiq o‘simlik ekkan va 40 yoshga to‘lgan kuni yana 40 ming daraxtga hayot baxsh etdi.
Jizel 2010-yilda atrof muhitga zarar yetkazmaydigan Sejaa Pure Skincare nomli terini parvarish qilish kosmetika brendini ishga tushirdi.
