Gollivud yulduzlari orasida bolaligidan mashhurlikka erishgan, biroq kinoni tark etishga qaror qilgan va yillar o‘tib yana filmlarda rol o‘ynashni davom ettirganlari ham bor. “Harper’s Bazaar” nashri shu kabi mashhurlar haqida ma’lumot berdi.
Dilan va Koul Sprous
Egizaklar birinchi marta ekranga chiqqanida 8 oylik edi. Keyinchalik ular “Olovdagi Greys”, “Katta dada”, “Kosmonavtning rafiqasi” loyihalari va “Do‘stlar” serialida suratga tushdi. Biroq 2011 yilda Dilan va Koul o‘z karyeralarida tanaffus e’lon qildi, chunki ular oliy ma’lumotli bo‘lish uchun vaqt ajratishga qaror qildi. To‘rt yil o‘tgach, ular kinoga qaytdi, hozirda Gollivud yulduzlari kontrakt shartnomalari pulini ikkiga bo‘lmaydi.
Makoley Kalkin
“Uyda yolg‘iz” filmi chiqqanidan so‘ng, Makoley Kalkin hamma uchun Kevin Makkallisterga aylandi. Hattoki “Boyvachcha Richi” kartinasi ham tomoshabinlar tomonidan o‘sha bolakayning sarguzashtlari davomi sifatida qabul qilindi. Bu vaqtga kelib, yosh aktyor suratga olish jarayonlaridan sezilarli darajada charchagan edi, bu holat uning otasi bilan tortishuvlari tufayli yanada murakkablashdi. Shuning uchun, aktyor ijodiy tanaffus qildi va 2020-yilda “Amerikancha dahshatli hikoyalar” loyihasi bilan kino sanoatga qaytishga qaror qildi.
Anna Klamski
Anna Klamski 1991-yilda Makoley Kalkin bilan “Mening qizim” filmida rol o‘ynaganidan keyin mashhurlikka erishdi. U 1999-yilda Chikago universitetida o‘qish va nashriyotda ishlash uchun kinodagi faoliyatida olti yil tanaffus qildi. Anna tezda bunday faoliyatdan zerikdi, shundan so‘ng u yana ko‘ngilochar sohaga qaytdi.
Ke Huy Syuan
Ke yoshligida 1984-yilda “Indiana Jons va taqdir ibodatxonasi” filmidagi Shorti rolini ijro etgan. Biroq film muvaffaqiyatiga qaramay, yosh aktyor mashhurlikka erisha olmadi. Syuan intervyularining birida kino sanoat o‘sha paytda osiyolik aktyorlarga tayanmaganini aytgan. Shundan keyin hech qanday loyihalarda rol o‘ynamadi va 2022-yilda “Hamma narsa hamma joyda va bir vaqtning o‘zida” loyihasida suratga tushdi.
Ben Sevij
Ben 90-yillarda “Yigit dunyoni biladi” teleserialida suratga tushdi. Biroq Sevij yana bir nechta yuqori darajadagi loyihalarda e’tiborga olindi va hatto tanqidchilarning e’tirofiga sazovor bo‘ldi. Biroq ta’limga bo‘lgan ishtiyoq aktyorlik karyerasini qurishni davom ettirish vasvasasini yengdi. U uch yil davomida hech qanday loyihada suratga tushmadi, bu esa uning karyerasiga ham o‘z ta’sirini ko‘rsatdi. Ben hali ham loyihalarga taklif qilinmoqda, biroq bu filmlarni mashhurlikka erishadi, deb bo‘lmaydi.
Izoh (0)