Namangan viloyatidagi gaz to‘ldirish shoxobchalari faoliyati to‘xtatilmaydi, aksincha ularning ish faoliyati uzluksizligini ta’minlash choralari ko‘rilmoqda, deb xabar bermoqda Energetika vazirligi.
Xabarga ko‘ra, ijtimoiy tarmoqda “Namanganda gaz quyish shoxobchalari faoliyati 2-3 kunga cheklanadi” mazmunida xabar e’lon qilingan. Qayd etilishicha, ushbu xabar mutlaqo asossiz bo‘lib, bugungi kunda nafaqat Namangan viloyatida, balki respublika bo‘yicha gaz to‘ldirish shoxobchalari faoliyati to‘xtatilishi ko‘zda tutilmagan.
“Hozirda aholi xonadonlari va ijtimoiy soha obyektlari yetarli bosimda tabiiy gaz ta’minotiga ega bo‘lgani uchun gaz to‘ldirish shoxobchalari faoliyatini to‘xtatishga ehtiyoj mavjud emas”, deyiladi vazirlik bayonotida.
Izoh (0)