AQSH tanklar va zirhli texnikalarni, jumladan, M1 Abrams va Bradley piyodalar jangovar mashinalarini NATOning sharqiy qanotiga ko‘chirishni boshladi, deb xabar bermoqda Reuters.
11-yanvar kunidan beri Niderlandiyaning Flissingen portiga Amerika armiyasining katta miqdordagi harbiy texnikasi kelmoqda, u yerdan Polsha va Litvaga o‘tkazilmoqda. Amerika tomonidan transferni nazorat qiluvchi polkovnik Robert Kellamning aytishicha, gap taxminan 1 250 ta texnika haqida bormoqda.
11-yanvar kuni Polsha prezidenti Anjey Duda xalqaro koalitsiya tarkibida Germaniyaning Leopard tanklarini Kiyevga o‘tkazish to‘g‘risida qarorini e’lon qilgandi, Qo‘shma Shtatlar esa mamlakatga Bradely piyoda jangovar mashinalarini berishini bildirgan.
Iyun oyi oxirida NATO bosh kotibi Yens Stoltenberg alyans 2023-yilga borib xavfga tezkor javob qaytaruvchi kuchlar sonini 40 mingdan 300 mingga oshirishni rejalashtirayotganini aytgandi. Shu bilan birga, Milliy xavfsizlik kengashining strategik aloqalar bo‘yicha koordinatori Jon Kirbi sharqiy qanotda NATO qo‘shinlaring to‘planishini provokatsiya deb hisoblashga asos yo‘qligini ta’kidlagan.
Izoh (0)