АҚШ танклар ва зирҳли техникаларни, жумладан, М1 Abrams ва Bradley пиёдалар жанговар машиналарини НАТОнинг шарқий қанотига кўчиришни бошлади, деб хабар бермоқда Reuters.
11 январь кунидан бери Нидерландиянинг Флиссинген портига Америка армиясининг катта миқдордаги ҳарбий техникаси келмоқда, у ердан Польша ва Литвага ўтказилмоқда. Америка томонидан трансферни назорат қилувчи полковник Роберт Келламнинг айтишича, гап тахминан 1 250 та техника ҳақида бормоқда.
11 январь куни Польша президенти Анжей Дуда халқаро коалиция таркибида Германиянинг Леопард танкларини Киевга ўтказиш тўғрисида қарорини эълон қилганди, Қўшма Штатлар эса мамлакатга Браделй пиёда жанговар машиналарини беришини билдирган.
Июнь ойи охирида НАТО бош котиби Йенс Столтенберг альянс 2023 йилга бориб хавфга тезкор жавоб қайтарувчи кучлар сонини 40 мингдан 300 мингга оширишни режалаштираётганини айтганди. Шу билан бирга, Миллий хавфсизлик кенгашининг стратегик алоқалар бўйича координатори Жон Кирби шарқий қанотда НАТО қўшинларинг тўпланишини провокация деб ҳисоблашга асос йўқлигини таъкидлаган.
Изоҳ (0)