AQSH prezidenti Jo Bayden AQSHning qo‘shimcha qo‘shinlari Yevropada uzoq vaqt davomida qolishini ma’lum qildi. Bu haqda Oq uy saytida xabar berildi.
Tadbirda nutq so‘zlash chog‘ida Bayden AQSH qo‘shimcha kuchlari Polsha va boshqa NATO mamlakatlarida qancha vaqt qolishi haqidagi savolga javob berdi.
“Ular u yerda uzoq vaqtga qoladi”, — dedu AQSH prezidenti.
Amerika fevral boshida Sharqiy Yevropaga qo‘shimcha qo‘shinlarini joylashtirishni ma’qullagan edi. O‘shanda Polshaga ikki ming nafar, NATOning janubi-sharqiy qanotiga yana bir necha ming nafar harbiy xizmatchilar joylashtirilishi ma’lum qilingandi.
Avvalroq Rossiya mudofaa vaziri Sergey Shoygu 2022-yilning fevralidan beri NATO Rossiya chegaralari yaqinidagi guruhlarini ikki yarim baravarga – 30 ming kishigacha oshirganini aytgandi.
NATO Rossiyaning Ukrainaga bostirib kirishidan keyin Sharqiy Yevropada harbiylari soni ortganini va Bolgariya, Vengriya, Ruminiya va Slovakiyada yangi batalon taktik guruhlari yaratilganini yashirmayapti. May oyida sharqiy qanotdagi NATO qo‘shinlari soni yil davomida qariyb 10 baravarga, ya’ni 4650 dan 40 mingga ko‘paygani haqida xabar berilgan edi.
Mavzuga doir:
Izoh (0)