Ukraina harbiylarini AQSHning Bradley piyodalar jangovar mashinasi bilan ishlashga o‘rgatish kelasi hafta boshlanishi kerak, AQSH o‘quv mashg‘ulotlarni “oylar emas, haftalar ichida” yakunlashni rejalashtirmoqda. Bu haqda Pentagon matbuot kotibi Patrik Rayder brifingda ma’lum qildi.
“Bilishimcha, tayyorgarlik keyingi hafta Germaniyada boshlanishi kerak. Biz bu oylab emas, bir necha hafta vaqt olishini kutyapmiz”, — dedi u.
5-yanvar kuni AQSH prezidenti Jo Bayden Ukrainaga Bradley jangovar mashinalari jo‘natilishini e’lon qilgandi. Kiyev oladigan zirhli texnikalar soni rasman e’lon qilinmagan.
Reuters manbalarining xabar berishicha, gap 50 ta jangovar texnika haqida ketmoqda. Oq uyning qayd etishicha, Bradley texnikalarini yetkazib berish vaqt talab etadi, ammo Vashington buni imkon qadar tezroq amalga oshirishga harakat qilmoqda.
Izoh (0)