Украина ҳарбийларини АҚШнинг Bradley пиёдалар жанговар машинаси билан ишлашга ўргатиш келаси ҳафта бошланиши керак, АҚШ ўқув машғулотларни «ойлар эмас, ҳафталар ичида» якунлашни режалаштирмоқда. Бу ҳақда Пентагон матбуот котиби Патрик Райдер брифингда маълум қилди.
«Билишимча, тайёргарлик кейинги ҳафта Германияда бошланиши керак. Биз бу ойлаб эмас, бир неча ҳафта вақт олишини кутяпмиз», — деди у.
5 январь куни АҚШ президенти Жо Байден Украинага Bradley жанговар машиналари жўнатилишини эълон қилганди. Киев оладиган зирҳли техникалар сони расман эълон қилинмаган.
Reuters манбаларининг хабар беришича, гап 50 та жанговар техника ҳақида кетмоқда. Оқ уйнинг қайд этишича, Bradley техникаларини етказиб бериш вақт талаб этади, аммо Вашингтон буни имкон қадар тезроқ амалга оширишга ҳаракат қилмоқда.
Изоҳ (0)