Turkiya mudofaa vaziri Xulusiy Akar Suriya shimolida Rossiya bilan qo‘shma patrullik faoliyatini kuchaytirish tarafdori ekanini aytdi, deb xabar bermoqda Turkiyaning TRT Haber nashri.
“Bizda kerakli kelishuvlar mavjud. Jarayon davom etmoqda: gap qo‘shma markazlar yaratish, qo‘shma patrul va ekspertlar darajasida muzokaralarni qayta boshlash haqida ketmoqda. Biz bu jarayon davom etishi hamda uning oqilona, mantiqiy va muvaffaqiyatli bo‘lishi tarafdorimiz”, — deydi Akar.
U Turkiya barcha qo‘shni davlatlarning, jumladan, Suriyaning suvereniteti va yaxlitligini hurmat qilishini ta’kidladi.
Anqara bir necha yillardan beri Damashq nazorati ostida bo‘lmagan kurd tuzilmalarini Turkiya bilan chegaradan tozalashga harakat qilmoqda. Turkiya tomoni bu tuzilmalarni terrorchi guruhlar deb biladi. Anqara Suriya shimolida kurd jangchilaridan xoli bufer zona yaratish uchun bir necha harbiy amaliyotlar o‘tkazgan.
Izoh (0)