Туркия мудофаа вазири Хулусий Акар Сурия шимолида Россия билан қўшма патруллик фаолиятини кучайтириш тарафдори эканини айтди, деб хабар бермоқда Туркиянинг TRT Haber нашри.
«Бизда керакли келишувлар мавжуд. Жараён давом этмоқда: гап қўшма марказлар яратиш, қўшма патруль ва экспертлар даражасида музокараларни қайта бошлаш ҳақида кетмоқда. Биз бу жараён давом этиши ҳамда унинг оқилона, мантиқий ва муваффақиятли бўлиши тарафдоримиз», — дейди Акар.
У Туркия барча қўшни давлатларнинг, жумладан, Суриянинг суверенитети ва яхлитлигини ҳурмат қилишини таъкидлади.
Анқара бир неча йиллардан бери Дамашқ назорати остида бўлмаган курд тузилмаларини Туркия билан чегарадан тозалашга ҳаракат қилмоқда. Туркия томони бу тузилмаларни террорчи гуруҳлар деб билади. Анқара Сурия шимолида курд жангчиларидан холи буфер зона яратиш учун бир неча ҳарбий амалиётлар ўтказган.
Изоҳ (0)