Shanxay hamkorlik tashkilotiga (SHHT) a’zo davlatlar Ukraina mojarosini hal qilish, tegishli davlatlar o‘rtasidagi aloqalarni mustahkamlash uchun qulay shart-sharoitlar yaratishga tayyor, dedi tashkilot bosh kotibi Chjan Min “RIA Novosti”ga bergan intervyusida.
“Biz SHHTga a’zo ko‘plab davlatlar tegishli tomonlar o‘rtasidagi aloqalarni mustahkamlash, muammoni to‘g‘ri hal etish uchun qulay shart-sharoitlar yaratishga tayyor ekanini hamda ular Ukrainadagi gumanitar inqirozni bartaraf etish uchun o‘z kuchlarini sarflashda davom etishini bildirdik”, — dedi Chjan Min.
Uning ta’kidlashicha, Ukrainada urush boshlanganidan keyin SHHT bunga jiddiy e’tibor qaratgan hamda tegishli davlatlarning mintaqadagi umumiy vaziyatni hisobga olgan holda, kelishmovchiliklarni bartaraf etish, tinchlikka erishish va mojaroni hal qilish yo‘lida “tinch, siyosiy va diplomatik vositalar bilan” ishlashni davom ettirishini qo‘llab-quvvatlagan.
Avvalroq Birlashgan Millatlar Tashkiloti bosh kotibi Antoniu Guterrish, agar Kiyev va Moskva istasa, Ukrainadagi mojaroni hal qilishda vositachi bo‘lishga tayyorligini ma’lum qilgandi.
Izoh (0)