Шанхай ҳамкорлик ташкилотига (ШҲТ) аъзо давлатлар Украина можаросини ҳал қилиш, тегишли давлатлар ўртасидаги алоқаларни мустаҳкамлаш учун қулай шарт-шароитлар яратишга тайёр, деди ташкилот бош котиби Чжан Мин «РИА Новости»га берган интервьюсида.
«Биз ШҲТга аъзо кўплаб давлатлар тегишли томонлар ўртасидаги алоқаларни мустаҳкамлаш, муаммони тўғри ҳал этиш учун қулай шарт-шароитлар яратишга тайёр эканини ҳамда улар Украинадаги гуманитар инқирозни бартараф этиш учун ўз кучларини сарфлашда давом этишини билдирдик», — деди Чжан Мин.
Унинг таъкидлашича, Украинада уруш бошланганидан кейин ШҲТ бунга жиддий эътибор қаратган ҳамда тегишли давлатларнинг минтақадаги умумий вазиятни ҳисобга олган ҳолда, келишмовчиликларни бартараф этиш, тинчликка эришиш ва можарони ҳал қилиш йўлида «тинч, сиёсий ва дипломатик воситалар билан» ишлашни давом эттиришини қўллаб-қувватлаган.
Аввалроқ Бирлашган Миллатлар Ташкилоти бош котиби Антониу Гутерриш, агар Киев ва Москва истаса, Украинадаги можарони ҳал қилишда воситачи бўлишга тайёрлигини маълум қилганди.
Изоҳ (0)