Italiya bosh vaziri Jorja Meloni bilan suhbat chog‘ida Ukraina prezidenti Vladimir Zelenskiy unga ko‘mak uchun minnatdorlik bildirdi, deb yozadi “Kommersant”.
U Italiya hukumati tomonidan qo‘shimcha 10 million yevro ajratilgani uchun rahmat aytdi. Meloni, o‘z navbatida, Ukrainani “to‘liq qo‘llab-quvvatlashlari”ni tasdiqladi.
“Jorja Meloni Ukraina osmonini himoya qilish uchun havo hujumiga qarshi mudofaa tizimlarini taqdim etish masalasi ko‘rib chiqilayotganini aytdi. Tinchlik formulasini muhokama qildik”, — deb yozdi Zelenskiy o‘z Telegram-kanalida suhbatdan keyin.
“Meloni Italiya hukumati Kiyevni siyosiy, harbiy, iqtisodiy va gumanitar sohalarda, energetika infratuzilmasini qayta tiklashda va kelajakda Ukrainani qayta tiklashda to‘liq qo‘llab-quvvatlashini tasdiqladi”, — deya ma’lum qildi Italiya bosh vaziri ofisi.
Saylovlarda g‘olib chiqqan “Italiya birodarlari” partiyasi yetakchisi Jorja Meloni o‘z lavozimiga rasman kirishishidan avvalroq ham Vladimir Zelenskiyga Kiyevga ko‘mak berish davom ettirilishini aytgan edi.
Avvalroq Meloni italiyaliklarni Ukraina bilan birdamlik sifatida har kuni bir soatga energiya manbalarini o‘chirishga chaqirgan edi.
Izoh (0)