Италия бош вазири Жоржа Мелони билан суҳбат чоғида Украина президенти Владимир Зеленский унга кўмак учун миннатдорлик билдирди, деб ёзади «Коммерсантъ».
У Италия ҳукумати томонидан қўшимча 10 миллион евро ажратилгани учун раҳмат айтди. Мелони, ўз навбатида, Украинани «тўлиқ қўллаб-қувватлашлари»ни тасдиқлади.
«Жоржа Мелони Украина осмонини ҳимоя қилиш учун ҳаво ҳужумига қарши мудофаа тизимларини тақдим этиш масаласи кўриб чиқилаётганини айтди. Тинчлик формуласини муҳокама қилдик», — деб ёзди Зеленский ўз Telegram-каналида суҳбатдан кейин.
«Мелони Италия ҳукумати Киевни сиёсий, ҳарбий, иқтисодий ва гуманитар соҳаларда, энергетика инфратузилмасини қайта тиклашда ва келажакда Украинани қайта тиклашда тўлиқ қўллаб-қувватлашини тасдиқлади», — дея маълум қилди Италия бош вазири офиси.
Сайловларда ғолиб чиққан «Италия биродарлари» партияси етакчиси Жоржа Мелони ўз лавозимига расман киришишидан аввалроқ ҳам Владимир Зеленскийга Киевга кўмак бериш давом эттирилишини айтган эди.
Аввалроқ Мелони италияликларни Украина билан бирдамлик сифатида ҳар куни бир соатга энергия манбаларини ўчиришга чақирган эди.
Изоҳ (0)