Ukrainaning beshinchi prezidenti Pyotr Poroshenkoning kapitali 730 million dollargacha qisqardi. U mamlakatning eng boy odamlari reytingida 12-o‘ringa tushib ketdi. Bu haqda Forbes xabar berdi.
Poroshenko 2021-yilda Forbes talqini bo‘yicha Ukrainaning eng boy odamlari reytingida 1,6 milliard dollar boyligi bilan 7-o‘rinni egallagan. Biroq so‘nggi reytingda siyosatchi 730 million dollar bilan 12-o‘rinni egallab turibdi. Urushdan oldingi ikki yil ichida Poroshenkoning aktivlari rasman kamaydi — 2019-yilda u 95 ta kompaniyada benefitsiari bo‘lgan. Rossiyaning Ukrainaga bosqinidan oldin esa ularning 18 tasi qolgan.
Sobiq prezident biznesidagi asosiy ulush uning o‘g‘li Alekseyga tegishli. Garchi tadbirkorning matbuot xizmati bu Poroshenkoning siyosatni biznesdan ajratish istagining oqibati ekanini aytsa-da, uni huquq-tartibot idoralari va nazorat qiluvchi organlarning bosimi shunday qadamga undagan. Yordamga pulemyotlar, radiostansiyalar, tez tibbiy yordam mashinalari, Shield va Spartan zirhli avtomobillari, yuk mashinalari, pikaplar, traktorlar va 350 dan ortiq Autel dronlari kiradi.
“Zelenskiy saylovda g‘alaba qozonganidan so‘ng Poroshenkoga qarshi 20 dan ortiq jinoiy ish qo‘zg‘atildi, u davlatga xiyonatda gumon qilindi, uning 19 korxonadagi ulushlari musodara qilindi. Siyosatchiga aloqador kompaniyalar esa Ukraina Monopoliyaga qarshi qo‘mitasi tomonidan million dollarlik jarimaga tortildi”, — deyiladi xabarda.
“2022-yil sentabr oyi holatiga ko‘ra, Poroshenko jamg‘armasi, Roshen kompaniyasi va “Delo gromad” nodavlat tashkiloti Ukraina Qurolli kuchlariga qariyb 46 million dollarlik yordam ajratgan”, — deb yozadi Forbes Yevropa birdamlik partiyasi matbuot xizmatiga tayanib.
Izoh (0)