Parijda 23-dekabr kuni ko‘chada kurdlar jamiyatining uch a’zosi otib o‘ldirilgani munosabati bilan o‘tkazilgan namoyishdan so‘ng aksiya ishtirokchilari va politsiya o‘rtasida to‘qnashuvlar yuz berdi, deb yozadi Reuters.
Agentlik ma’lumotlariga ko‘ra, tinch mitingdan so‘ng ayrim namoyishchilar Respublika maydonidan chiqib, politsiyaga qarata buyumlar ota boshlagan. Xavfsizlik xodimlari esa ko‘zni yoshlatuvchi gaz bilan javob qaytargan.
Voqea joyidan olingan kadrlarda namoyishchilar mashinalarni ag‘darib, oynalarini sindirib tashlaganini ko‘rish mumkin. Mashinalarning yonayotgani tasvirlari ham bor.
Tartibsizliklar 24-dekabr kuni ham davom etdi.
Chaos dans le centre de Paris, des véhicules retournés et incendiés. Affrontements en cours. pic.twitter.com/h5JvCTZo94
— Remy Buisine (@RemyBuisine) December 24, 2022
23-dekabr kuni Kurd madaniyat markazi yaqinida bir necha kishini o‘ldirish va o‘ldirishga urinishda gumon qilinib, 69 yoshli sobiq mashinist qo‘lga olingan. U ilgari ham muhojirlarga hujum qilgani uchun hibsga olingandi. Tergov ma’lumotlariga ko‘ra, erkak irqchilik asosida jinoyat sodir etgan.
Izoh (0)