Парижда 23 декабрь куни кўчада курдлар жамиятининг уч аъзоси отиб ўлдирилгани муносабати билан ўтказилган намойишдан сўнг акция иштирокчилари ва полиция ўртасида тўқнашувлар юз берди, деб ёзади Reuters.
Агентлик маълумотларига кўра, тинч митингдан сўнг айрим намойишчилар Республика майдонидан чиқиб, полицияга қарата буюмлар ота бошлаган. Хавфсизлик ходимлари эса кўзни ёшлатувчи газ билан жавоб қайтарган.
Воқеа жойидан олинган кадрларда намойишчилар машиналарни ағдариб, ойналарини синдириб ташлаганини кўриш мумкин. Машиналарнинг ёнаётгани тасвирлари ҳам бор.
Тартибсизликлар 24 декабрь куни ҳам давом этди.
https://twitter.com/RemyBuisine/status/1606637135469350913
23 декабрь куни Курд маданият маркази яқинида бир неча кишини ўлдириш ва ўлдиришга уринишда гумон қилиниб, 69 ёшли собиқ машинист қўлга олинган. У илгари ҳам муҳожирларга ҳужум қилгани учун ҳибсга олинганди. Тергов маълумотларига кўра, эркак ирқчилик асосида жиноят содир этган.
Изоҳ (0)