Isroil Ukrainaga “Temir gumbaz” mudofaa tizimi berolmasligi sababi ochiqlandi

Isroillik general Yakov Nagel eng ilg‘or “Temir gumbaz” havo mudofaa tizimlari Ukrainaga berilsa, Rossiya ularni tutib olib, tekshirishi mumkinligini aytdi. Bu haqda National Interest xabar berdi.

Ukraina ularni qo‘lga kiritsa ham, tez natija kutmaslik kerak. Mudofaa tizimi bilan ishlashni o‘rganish ham vaqt masalasi. Qolaversa, Isroil Ukrainaga qurol jo‘natib, Rossiya bilan munosabatlariga putur yetkazmoqchi emas, biroq Isroil Ukrainaga gumanitar yordam ko‘rsatishga rozi bo‘lgan.

AQSH prezidenti Jo Bayden 21-dekabr kuni Ukraina rahbari Vladimir Zelenskiy bilan Oq uyda uchrashib, qurol-yarog‘, jumladan Patriot mudofaa tizimini yetkazib berishni muhokama qildi. Bu harakat qaysidir ma’noda Isroilga ham e‘tiborni qaratmoqda.

Sababi mamlakat Ukrainaga o‘zining “Temir gumbaz” havo mudofaa tizimini taqdim etishdan bosh tortgan. Bu tizimining raketa va dronlarni tutib olish imkoniyati 90 foizdan oshadi. Ukraina rasmiylari bu tizimni qo‘lga kiritish uchun prezident ofisi, tashqi ishlar, mudofaa vazirligi va Ukrainaning Isroildagi elchixonasidan Isroil hukumatiga rasmiy so‘rovlar yubormoqda. Agar AQSH Ukrainaga Patriot tizimini bersa, “Temir gumbaz”ga bo‘lgan ehtiyoj qondirilishi mumkin.

Mavzuga doir:

• “Isroil o‘z xavfsizligi nuqtai nazaridan Ukrainaga mudofaa tizimlarini yetkazib bera olmaydi” — Gersog
• Medvedev: Isroil tomonidan Ukrainaga qurol yetkazib berilishi Rossiya-Isroil munosabatlarini buzadi
• Ukraina Isroildan “Temir gumbaz” mudofaa tizimini sotib olmoqchi