Germaniya Mudofaa vazirligi Rossiya qo‘shinlarining Ukrainadagi yangi hujumi 2023-yil aprelida boshlanishi va muqarrar bo‘lishi mumkinligini prognoz qildi. Bu haqda Neue Zürcher Zeitung nashri xabar berdi.
Prognozga ko‘ra, Kreml Belarusning urushga qo‘shilishiga umid qilmoqda, ammo hujumning ikkita ssenariysi bor. Birinchi ssenariyda Vladimir Putin butun Donbassni, ikkinchisida Ukrainani to‘liq bosib olishni maqsad qilgan. Ikkalasida umumiy jihat shuki, muhim infratuzilmaga hujumlar urushning ajralmas qismi bo‘lib qoladi. Rossiyaning maqsadi ukrainaliklarning qarshilik ko‘rsatishini zaiflashtirish va Yevropa Ittifoqiga qochqin sifatida ketishini qo‘zg‘atish.
Birinchi ssenariy
Birinchi ssenariyda Germaniya Mudofaa vazirligi Rossiya aprel oyida Donbassni to‘liq egallash uchun hujumga o‘tishini taxmin qilmoqda. Bu orqali Aleksandr Lukashenko o‘n minglab belarus askarlarini Ukraina kuchlarini tarqatib yuborish uchun chegaraga joylashtiradi. Biroq, vazirlikning yozishicha, Belarus bosqinini kutmaslik kerak, chunki Lukashenko Ukrainada urush boshlashning “potensial ichki beqarorlashtiruvchi” oqibatlaridan qo‘rqadi.
Agar rus qo‘shinlari Donbassni to‘liq qo‘lga kiritishga muvaffaq bo‘lsa, rejaning ikkinchi qismi amalga oshadi. Rossiya qurolli kuchlari bosib olingan hududlarni xandaklarga aylantira boshlaydi. Shu bilan birga, Putin xalqaro hamjamiyatga tinchlikdan manfaatdor ekanini ko‘rsatish uchun Ukrainaga yana muzokaralar o‘tkazishni taklif qiladi.
Kreml rahbarining bunday bayonoti xalqaro hamjamiyatning Ukrainani qo'llab-quvvatlashga qarshi chiqishga qaratilgan bo‘ladi.
Ikkinchi ssenariy
Ikkinchi ssenariy ikki jabhada urush olib borishni o‘z ichiga oladi. Rossiya qo‘shinlari Donbassda hujumga o‘tadi va 70 minggacha belarus askari shimoldan Kiyevga yuboriladi. Ayni paytda, Rossiya qo‘shinlari Ukrainaga qurol yetkazib berishni to‘xtatish uchun Polsha chegarasiga boradi.
Maqola mualliflarining fikricha, ushbu ssenariyning zaruriy sharti Rossiyadagi umumiy safarbarlikdir. Bu “ichki siyosiy sabablarga ko‘ra” amalga oshishi dargumon. Biroq Rossiyada ikkinchi safarbarlik to‘lqini 2023-yil boshida yaqinlashishi belgilari kuchaymoqda.
Mavzuga doir:
Izoh (0)