Rossiya Xavfsizlik kengashi raisi o‘rinbosari Dmitriy Medvedev Isroilni Ukrainaga qurol yetkazib berishdan ogoh qilib, bunday qadamni “yengiltaklik” deb atadi. Siyosatchining so‘zlariga ko‘ra, bu Rossiya-Isroil aloqalarini buzadi, deb yozadi “Kommersant”.
“Isroil Kiyev rejimiga qurol yetkazib bermoqchi, shekilli. Juda yengiltaklik bilan qo‘yilayotgan qadam. U mamlakatlarimiz o‘rtasidagi barcha davlatlararo munosabatlarga putur yetkazadi”, — deb yozdi u Telegram’da.
Avvalroq Isroilning diaspora masalalari bo‘yicha vaziri Naxman Shay Ukrainaga harbiy yordam taqdim etishga chaqirgandi. U The Washington Post gazetasining Eron Rossiyaga ballistik raketalar yuborishni rejalashtirayotgani haqidagi xabariga shu tariqa javob qildi.
WP avgustda Rossiya Eron dronlarining bir partiyasini qabul qilib olgani haqida yozgandi. Moskva va Tehron bu ma’lumotni rasman tasdiqlagani yo‘q. Xususan, Eron tashqi ishlar vaziri Husayn Amir Abdullahiyon sentabr oxirida Tehron nizo tomonlarining hech birini qo‘llab-quvvatlamayotganini aytgandi.
Undan avvalroq esa Avvalroq Ukraina prezidenti Vladimir Zelenskiy Isroildan hech qanday yordam taklif etilmaganidan hayratda ekanini aytgan edi.
Izoh (0)