Исроил Украинага «Темир гумбаз» мудофаа тизими беролмаслиги сабаби очиқланди

Исроиллик генерал Яков Нагел энг илғор «Темир гумбаз» ҳаво мудофаа тизимлари Украинага берилса, Россия уларни тутиб олиб, текшириши мумкинлигини айтди. Бу ҳақда National Interest хабар берди.

Украина уларни қўлга киритса ҳам, тез натижа кутмаслик керак. Мудофаа тизими билан ишлашни ўрганиш ҳам вақт масаласи. Қолаверса, Исроил Украинага қурол жўнатиб, Россия билан муносабатларига путур етказмоқчи эмас, бироқ Исроил Украинага гуманитар ёрдам кўрсатишга рози бўлган.

АҚШ президенти Жо Байден 21 декабрь куни Украина раҳбари Владимир Зеленский билан Оқ уйда учрашиб, қурол-яроғ, жумладан Patriot мудофаа тизимини етказиб беришни муҳокама қилди. Бу ҳаракат қайсидир маънода Исроилга ҳам эътиборни қаратмоқда.

Сабаби мамлакат Украинага ўзининг «Темир гумбаз» ҳаво мудофаа тизимини тақдим этишдан бош тортган. Бу тизимининг ракета ва дронларни тутиб олиш имконияти 90 фоиздан ошади. Украина расмийлари бу тизимни қўлга киритиш учун президент офиси, ташқи ишлар, мудофаа вазирлиги ва Украинанинг Исроилдаги элчихонасидан Исроил ҳукуматига расмий сўровлар юбормоқда. Агар АҚШ Украинага Patriot тизимини берса, «Темир гумбаз»га бўлган эҳтиёж қондирилиши мумкин.

Мавзуга доир:

• «Исроил ўз хавфсизлиги нуқтаи назаридан Украинага мудофаа тизимларини етказиб бера олмайди» — Герцог
• Медведев: Исроил томонидан Украинага қурол етказиб берилиши Россия-Исроил муносабатларини бузади
• Украина Исроилдан «Темир гумбаз» мудофаа тизимини сотиб олмоқчи