Kadastr agentligi Buxoro viloyati boshqarmasi axborot xizmatining “Daryo”ga ma’lum qilishicha, 2022-yilning o‘tgan davrida viloyatda 864 holatda 135,1 gektar yer maydoni fuqarolar tomonidan o‘zboshimchalik bilan egallab olingan.
Har bir holat yuzasidan ogohlantirish xatlari berilib, ma’muriy bayonnomalar rasmiylashtirilgan. Ma’lumotlarga ko‘ra, yilning o‘tgan davrida 215 holatda 87,36 gektar o‘zboshimchalik bilan egallangan yer maydoni o‘z holiga qaytarilgan. 556 holatdagi 36,07 gektar yer maydoni bo‘yicha sudlarga da’vo arizalari kiritilgan.
Sug‘oriladigan yerlarda noqonuniy qurilish ishlari olib borgani uchun 30 ta holatda 6,4 gektar yer maydoni bo‘yicha to‘plangan hujjatlar qo‘shma tartibda prokuratura organlariga yuborilgan. Xususan, qonunga zid eng ko‘p yer maydonlari o‘zlashtirilgan G‘ijduvon tumanida 114 ta, Olotda 95 ta, Buxoro tumanida 88 ta va Shofirkonda 86 ta holat bartaraf etilib, yerlarni talon-toroj qilishga barham berilgan.
Yer munosabatlarida aniqlangan qonun buzilishlar yuzasidan Ma’muriy javobgarlik to‘g‘risidagi kodeksning tegishli moddalariga asosan 2 ming 400 dan ortiq jismoniy va yuridik shaxslarga yetti milliard so‘mdan ziyod jarima qo‘llanib, hozirgacha uning ikki milliard so‘mdan ortig‘i undirilgan.
Mavzuga doir:
- Buxoroda 1,12 gektar yerni 120 ming dollarga noqonuniy sotmoqchi bo‘lganlar ushlandi
- Qashqadaryoda fermer xo‘jaligining 48 sotixini egallab olgan 4 nafar fuqaroga jinoyat ishi qo‘zg‘atildi
- Sirdaryoda 3 gektar sug‘oriladigan yerda baliqchilik ko‘li tashkil etib, 1,3 mlrd so‘m zarar yetkazgan fermer ushlandi
Izoh (0)