Кадастр агентлиги Бухоро вилояти бошқармаси ахборот хизматининг «Дарё»га маълум қилишича, 2022 йилнинг ўтган даврида вилоятда 864 ҳолатда 135,1 гектар ер майдони фуқаролар томонидан ўзбошимчалик билан эгаллаб олинган.
Ҳар бир ҳолат юзасидан огоҳлантириш хатлари берилиб, маъмурий баённомалар расмийлаштирилган. Маълумотларга кўра, йилнинг ўтган даврида 215 ҳолатда 87,36 гектар ўзбошимчалик билан эгалланган ер майдони ўз ҳолига қайтарилган. 556 ҳолатдаги 36,07 гектар ер майдони бўйича судларга даъво аризалари киритилган.
Суғориладиган ерларда ноқонуний қурилиш ишлари олиб боргани учун 30 та ҳолатда 6,4 гектар ер майдони бўйича тўпланган ҳужжатлар қўшма тартибда прокуратура органларига юборилган. Хусусан, қонунга зид энг кўп ер майдонлари ўзлаштирилган Ғиждувон туманида 114 та, Олотда 95 та, Бухоро туманида 88 та ва Шофирконда 86 та ҳолат бартараф этилиб, ерларни талон-торож қилишга барҳам берилган.
Ер муносабатларида аниқланган қонун бузилишлар юзасидан Маъмурий жавобгарлик тўғрисидаги кодекснинг тегишли моддаларига асосан 2 минг 400 дан ортиқ жисмоний ва юридик шахсларга етти миллиард сўмдан зиёд жарима қўлланиб, ҳозиргача унинг икки миллиард сўмдан ортиғи ундирилган.
Мавзуга доир:
Изоҳ (0)