2022-yil holatiga ko‘ra, O‘zbekistonda aholining uy-joy bilan ta’minlanganlik ko‘rsatkichi har bir kishiga umumiy yashash maydonidan o‘rtacha 18,2 kvadrat metrni tashkil etgan. Bu haqda Davlat statistika qo‘mitasi xabar bermoqda.
Bu ko‘rsatkich 2021-yilning mos davriga nisbatan 2,2 kvadrat metrga oshgan.
2022-yilning 1-yanvar holatiga MDH davlatlarida aholining uy-joy bilan ta’minlanganlik darajasi:
- Moldova — 34,3 kvadrat metr;
- Armaniston — 33,9 kvadrat metr;
- Belarus — 28,9 kvadrat metr;
- Rossiya — 27,8 kvadrat metr;
- Qozog‘iston — 23,2 kvadrat metr;
- Ozarbayjon — 20 kvadrat metr;
- O‘zbekiston — 18,2 kvadrat metr;
- Qirg‘iziston — 13 kvadrat metr;
- Tojikiston — 10,9 kvadrat metr.
O‘zbekiston MDH davlatlari orasida aholining uy-joy bilan ta’minlanganlik darajasi bo‘yicha 7-o‘rinda joylashgan.
Shuningdek, 2022-yilning 1-oktabr holatiga O‘zbekistonda 1 kvadrat metr yer maydoniga o‘rtacha 79,8 nafar doimiy aholi soni to‘g‘ri keladi.
Bu esa o‘tgan yilning mos davriga nisbatan solishtirilganda 1,7 kishiga ortgan.
Avvalroq O‘zbekistonning qaysi hududlarida eng ko‘p uy-joy savdosi amalga oshirilayotgani ma’lum bo‘lgani haqida xabar berilgandi.
Izoh (1)
1 kv metr bo'lmasa kerak/ 1kv km to'g'ri bo'lsa kerak