Markaziy bank noyabr oyida o‘tkazilgan so‘rov natijalariga ko‘ra, aholi tomonidan sezilgan inflyatsiya darajasini ma’lum qildi.
Noyabr oyida aholining kelgusi 12 oy uchun narxlar o‘zgarishi bo‘yicha inflyatsion kutilmalari o‘tgan oyga nisbatan biroz yuqorilab, 15,3 foiz atrofida shakllangan bo‘lsa, mediana qiymati 14,1 foizgacha tezlashdi.
Inflyatsion kutilmalar — turli guruhlar bo‘yicha mos javobni belgilagan aholi sonining o‘sha javoblar o‘rtacha qiymatiga ko‘paytmalari yig‘indisini jami aholi soniga nisbati (o‘rtacha ko‘rsatkich).
Kelgusi 12 oyda inflyatsiya ko‘rsatkichi joriy darajada yoki undan yuqoriroq bo‘lishini kutayotgan respondentlarning ulushi avvalgi oyga nisbatan 9 foiz bandga yuqorilagan.
Inflyatsion kutilmalarning joriy inflyatsiyaga nisbati (respondentlar ulushi, foizda):
Noyabr oyida inflyatsiyani kelgusida 13—16 foiz atrofida bo‘lishini kutayotgan aholi ulushi sezilarli darajada ortgan.
Kelgusi davrda narxlarga oshiruvchi bosim ko‘rsatishi mumkin bo‘lgan asosiy omillar sifatida valyuta kursining qadrsizlanishi (51 foiz), yonilg‘i va energiya resurslari narxining qimmatlashishi (38 foiz) ta’kidlangan.
Shu bilan birga, asosiy oziq-ovqat mahsulotlarining qimmatlashishi ta’kidlaganlar kamaygan bo‘lsa, narxlarning sun’iy oshirilishi ko‘rsatganlar ulushi oyga nisbatan biroz yuqorilagan.
Avvalroq xalqaro agentlik O‘zbekiston iqtisodiy o‘sish prognozlarini yaxshilagani haqida xabar berilgandi.
Izoh (0)