2022 йил ҳолатига кўра, Ўзбекистонда аҳолининг уй-жой билан таъминланганлик кўрсаткичи ҳар бир кишига умумий яшаш майдонидан ўртача 18,2 квадрат метрни ташкил этган. Бу ҳақда Давлат статистика қўмитаси хабар бермоқда.
Бу кўрсаткич 2021 йилнинг мос даврига нисбатан 2,2 квадрат метрга ошган.
2022 йилнинг 1 январь ҳолатига МДҲ давлатларида аҳолининг уй-жой билан таъминланганлик даражаси:
- Молдова — 34,3 квадрат метр;
- Арманистон — 33,9 квадрат метр;
- Беларусь — 28,9 квадрат метр;
- Россия — 27,8 квадрат метр;
- Қозоғистон — 23,2 квадрат метр;
- Озарбайжон — 20 квадрат метр;
- Ўзбекистон — 18,2 квадрат метр;
- Қирғизистон — 13 квадрат метр;
- Тожикистон — 10,9 квадрат метр.
Ўзбекистон МДҲ давлатлари орасида аҳолининг уй-жой билан таъминланганлик даражаси бўйича 7-ўринда жойлашган.
Шунингдек, 2022 йилнинг 1 октябрь ҳолатига Ўзбекистонда 1 квадрат метр ер майдонига ўртача 79,8 нафар доимий аҳоли сони тўғри келади.
Бу эса ўтган йилнинг мос даврига нисбатан солиштирилганда 1,7 кишига ортган.
Аввалроқ Ўзбекистоннинг қайси ҳудудларида энг кўп уй-жой савдоси амалга оширилаётгани маълум бўлгани ҳақида хабар берилганди.
Изоҳ (1)
1 kv metr bo'lmasa kerak/ 1kv km to'g'ri bo'lsa kerak