Sirdaryo viloyati Guliston shahridagi oziq-ovqat do‘koni omborxonasida 10-dekabr kuni yong‘in sodir bo‘ldi. Bu haqda Favqulodda vaziyatlar vazirligi xabar bermoqda.
Qayd etilishicha, soat 19:23 da Guliston shahri 4-mavzeda joylashgan oziq-ovqat do‘konining omborxonasida yong‘in sodir bo‘layotgani to‘g‘risida viloyat FVBga xabar kelib tushgan. Shunga ko‘ra 2 ta yong‘in-qutqaruv ekipaji soat 19:25 da voqea joyiga yetib borib, yong‘in soat 19:27 da qurshab olingan va soat 19:30 da o‘chirilgan.
Yong‘in oqibatida do‘kon omborxonasining taxminan 30 kvadrat metr maydonda tom va shift qismi yonib zararlangan. Hodisa sabab tan jarohati olgan va halok bo‘lganlar yo‘q. Hozirda yong‘inning kelib chiqish sababi va moddiy zarar miqdori aniqlanmoqda.
Mavzuga doir:
Izoh (0)