Qashqadaryo viloyatining G‘uzor tumani hududidan o‘tuvchi A-380 G‘uzor—Qarshi avtomobil yo‘lining 25-kilometrida “Akbarshoh Amirxon trans servis” MCHJga qarashli Howo yuk mashinasi ag‘darildi.
Voqea ustidan chiqqan “Daryo” muxbiri bilan suhbatlashgan haydovchining aytishicha, u chorrahada oldinda harakatlanib ketayotgan va keskin tormoz bergan Nexia avtomashinasini urib yubormaslik uchun rul boshqaruvini o‘ng tomonga burgan. Natijada ustida yuki bo‘lgan Howo avtomashinasi ag‘anagan.
Quyuq tuman bo‘lgani sababli tezligim yuqori emasdi. Oldimdagi Nexia avtomobili darhol tormoz bosgani sababli uni urib yubormaslik uchun mashinani o‘ng tomonga oldim. Mashina ustida og‘ir yuk bo‘lgani sababli boshqaruvni yo‘qotdim. Qolganini eslay olmayman. O‘zimga kelsam mashina chorrahadagi svetoforni yiqitib, yo‘l chetiga ag‘darilibdi. Keskin tormozlangan Nexia avtomobili qochib ketdi, — deydi ismini oshkor qilishni istamagan yuk mashinasi haydovchisi.
Izoh (0)