Сирдарё вилояти Гулистон шаҳридаги озиқ-овқат дўкони омборхонасида 10 декабрь куни ёнғин содир бўлди. Бу ҳақда Фавқулодда вазиятлар вазирлиги хабар бермоқда.
Қайд этилишича, соат 19:23 да Гулистон шаҳри 4-мавзеда жойлашган озиқ-овқат дўконининг омборхонасида ёнғин содир бўлаётгани тўғрисида вилоят ФВБга хабар келиб тушган. Шунга кўра 2 та ёнғин-қутқарув экипажи соат 19:25 да воқеа жойига етиб бориб, ёнғин соат 19:27 да қуршаб олинган ва соат 19:30 да ўчирилган.
Ёнғин оқибатида дўкон омборхонасининг тахминан 30 квадрат метр майдонда том ва шифт қисми ёниб зарарланган. Ҳодиса сабаб тан жароҳати олган ва ҳалок бўлганлар йўқ. Ҳозирда ёнғиннинг келиб чиқиш сабаби ва моддий зарар миқдори аниқланмоқда.
Мавзуга доир:
Изоҳ (0)