Rossiyaning Saratov shahrida 27 yoshli o‘zbekistonlik erkak qo‘lga olindi. Bu haqda “Moskovskiy Komsomolets” nashri xabar berdi.
Saratov prokuraturasi erkak suddan qochib ketgani uchun O‘zbekistonda qidiruvda bo‘lganini ma‘lum qildi. Mahalliy tergovchilarning so‘zlariga ko‘ra, fuqaro 2020-yil giyohvand moddalar savdosi bilan shug‘ullangan. Natijada u to‘rt yilga ozodlikni cheklash jazosiga hukm qilingan, ammo qochib ketgan.
Ayblanuvchi Saratovga ketgani taxmin qilingan va mazkur versiya tasdiqlangan. Saratov politsiyasi xodimlari erkakni Ozinskiy tumanidagi aholi punktlaridan birida qo‘lga olgan. Prokuratura ekstraditsiya tekshiruvini boshlagan va ekstraditsiya qilish uchun hech qanday to‘siqlarni aniqlamagan. Hozirda erkakni O‘zbekistonga berish uchun hujjatlar tayyorlanmoqda.
Eslatib o‘tamiz, Rossiyada terrorchilik tashkilotini moliyalashtirib kelgan O‘zbekiston fuqarosi 8 yilga qamalgandi. U fuqarolarni yo‘llash va jangarilarni Afg‘oniston hamda Pokistonga yuborish bilan shug‘ullangani bois 2013-yildan buyon O‘zbekiston huquq-tartibot idoralari tomonidan xalqaro qidiruvda bo‘lgan. 2021-yilda erkak FXX xodimlari tomonidan qo‘lga olingan.
Mavzuga doir: O‘zbekistonda qidiruvda bo‘lgan “Hizb ut-Tahrir” yetakchisi Qirg‘izistonda ushlandi
Izoh (0)