O‘zbekistonda qidiruvda bo‘lgan “Hizb ut-Tahrir” yetakchisi Qirg‘izistonda ushlandi

Qirg‘izistonning O‘sh shahrida “Hizb ut-Tahrir” diniy-ekstremistik tashkilotining O‘zbekistondagi faoliyatiga mas’ul bo‘lgan fuqaro qo‘lga olindi. Bu haqda Qirg‘iziston Milliy xavfsizlik davlat qo‘mitasi matbuot xizmati xabar berdi.

Ma’lum bo‘lishicha, O‘zbekiston huquq-tartibot organlari tomonidan qidiruvda bo‘lgan fuqaro Sh.Sh. 4-noyabr kuni O‘shda qo‘lga olingan. U Qirg‘izistonning janubiy viloyatlarida ham “Hizb ut-Tahrir” tuzilmalarini yaratish va mustahkamlash bo‘yicha yashirin ishlarda o‘z sheriklari bilan faol ishtirok etgan.

Fuqaro soxta pasport bilan Qirg‘iziston hududida yashirinib kelgan. Xabarda aytilishicha, ayni paytda u hibsga olingan, tergov ishlari olib borilmoqda.