Toshkent shahri Shayxontohur tumanida 15-noyabr kuni 4 ta avtomashina ishtirokida yo‘l-transport hodisasi sodir bo‘ldi. Bu haqda Yo‘l harakati xavfsizligi xizmati xabar berdi.
Qayd etilishicha, soat 11:00 da Shayxontohur tumani Sebzor ko‘chasida to‘rtta avtomobil — Equinox, Labo, Nexia va Mercedes-Benz to‘qnashgan. YTH oqibatida bir nafar haydovchi va ikki nafar yo‘lovchiga tez tibbiy yordam ko‘rsatilgan.
Sodir bo‘lgan hodisa yuzasidan Toshkent shahri Yo‘l harakati xavfsizligi boshqarmasi xodimlari tomonidan surishtiruv harakatlari olib borilmoqda.
Avvalroq — 14-noyabr kuni ham Toshkent shahri Amir Temur ko‘chasi TATU universiteti qarshisida 4 ta mashina ishtirokida YTH bo‘lgandi. Unda
- haydovchi, 2000-yilda tug‘ilgan A.K. boshqaruvidagi Lada Vesta;
- haydovchi, 1993-yilda tug‘ilgan L.M. boshqaruvidagi Equinox;
- haydovchi, 1998-yilda tug‘ilgan A.A. boshqaruvidagi Mercedes-Benz;
- yo‘l chetida to‘xtab turgan Nexia (haydovchining shaxsiga aniqlik kiritilmoqda) avtomobillari ishtirokida to‘qnashuv sodir bo‘lgan va Equinox avtomobili ag‘darilgan.
Izoh (0)