Тошкент шаҳри Шайхонтоҳур туманида 15 ноябрь куни 4 та автомашина иштирокида йўл-транспорт ҳодисаси содир бўлди. Бу ҳақда Йўл ҳаракати хавфсизлиги хизмати хабар берди.
Қайд этилишича, соат 11:00 да Шайхонтоҳур тумани Себзор кўчасида тўртта автомобиль — Equinox, Labo, Nexia ва Mercedes-Benz тўқнашган. ЙТҲ оқибатида бир нафар ҳайдовчи ва икки нафар йўловчига тез тиббий ёрдам кўрсатилган.
Содир бўлган ҳодиса юзасидан Тошкент шаҳри Йўл ҳаракати хавфсизлиги бошқармаси ходимлари томонидан суриштирув ҳаракатлари олиб борилмоқда.
Аввалроқ — 14 ноябрь куни ҳам Тошкент шаҳри Амир Темур кўчаси ТАТУ университети қаршисида 4 та машина иштирокида ЙТҲ бўлганди. Унда
- ҳайдовчи, 2000 йилда туғилган А.К. бошқарувидаги Lada Vesta;
- ҳайдовчи, 1993 йилда туғилган Л.М. бошқарувидаги Equinox;
- ҳайдовчи, 1998 йилда туғилган А.А. бошқарувидаги Mercedes-Benz;
- йўл четида тўхтаб турган Nexia (ҳайдовчининг шахсига аниқлик киритилмоқда) автомобиллари иштирокида тўқнашув содир бўлган ва Equinox автомобили ағдарилган.
Изоҳ (0)