Xorazm viloyati Shovot tumanidagi 1-sonli sport maktabida talon-torojlik fosh etildi. Bu haqda Iqtisodiy jinoyatlarga qarshi kurashish departamenti xabar berdi.
Bosh prokuratura huzuridagi departamentning Xorazm viloyati boshqarmasi tomonidan tergovga qadar tekshiruv o‘tkazilgan. Unda Shovot tumanidagi 1-sonli sport maktabi mas’ul shaxslari 2019-yil 1-iyundan 2022-yil 1-sentabrga qadar maktabning sportchi-o‘quvchilari yuqori natijalarga erishgani yuzasidan diplom va bayonnomalarni rasmiylashtirish orqali rahbar, instruktor-metodist, trener-o‘qituvchi — jami 14 nafar xodimga 361,9 million so‘m ajratib, ushbu mablag‘larni o‘zlashtirish va rastrata qilish yo‘li bilan talon-toroj qilgani aniqlangan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)