Shavkat Mirziyoyev 1-noyabr kuni Germaniya tashqi siyosiy idorasi rahbari Annalena Berbokni qabul qildi. Bu haqda prezident matbuot kotibi xabar qildi.
Qayd etilishicha, muzokaralar kun tartibidagi asosiy masalalar — O‘zbekiston va Germaniya o‘rtasidagi ko‘p qirrali munosabatlarni “yashil” iqtisodiyot sohasidagi hamkorlikni kengaytirishga urg‘u bergan holda chuqurlashtirish, mintaqaviy hamkorlikning, shu jumladan, Yevropa Ittifoqining Markaziy Osiyo bo‘yicha yangilangan strategiyasidan kelib chiquvchi dolzarb jihatlari, shuningdek, Afg‘onistonda tez fursatda tinchlik o‘rnatilishiga ko‘maklashish.
1-noyabr kuni Germaniya TIV rahbari o‘zbekistonlik hamkasbi bilan uchrashdi; Toshkentdagi nemis tili chuqurlashtirilib o‘qitiladigan 60-sonli maktabda hamda Germaniyaning yetakchi kompaniyalari bilan kooperatsiya loyihalari amalga oshirilayotgan Olmaliq kon-metallurgiya kombinatining ishlab chiqarish maydonida bo‘ldi.
Izoh (0)