Qashqadaryoda bog‘cha qurish uchun ajratilgan yerni aldov yo‘li bilan sotib yubormoqchi bo‘lgan shaxs ushlandi

Qashqadaryo viloyatining Qarshi tumanida yer maydoni savdosi bilan bog‘liq firibgarlik holati fosh etildi, deb xabar bermoqda Bosh prokuratura huzuridagi departament.

Departamentning Qarshi tuman bo‘limi tomonidan IIB xodimlari bilan hamkorlikda o‘tkazilgan tezkor tadbirda, fuqaro S.O. “Saroy” MFY hududidan zamonaviy maktabgacha ta’lim muassasasi binosi qurish uchun otasiga ajratilgan 50 sotix yer maydonini fuqaro E.ga 220 million so‘mga sotishga kelishib, aldov yo‘li bilan oldindan 150 million so‘mni olgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.

Mavzuga doir: 

• Toshkentda 11 gektar yerni 550 ming dollarga sotmoqchi bo‘lganlar ushlandi
• Namanganda 2 gektar yerni 15 ming dollarga sotmoqchi bo‘lgan shaxs ushlandi