Rossiyaning Belgorod viloyatida to‘qqiz yoshli bola “Ukraina qurolli kuchlari tomonidan fuqarolik infratuzilmasi obyektlariga zarbalar berish uchun foydalaniladigan dronga o‘xshash qurilma” tufayli og‘ir yaralandi. Bu haqda hudud gubernatori Vyacheslav Gladkov o‘z Telegram-kanalida ma’lum qildi.
Uning so‘zlariga ko‘ra, bolakay qurilmani Belgorod tumanida ko‘chalardan birida topib olgan, u uning qo‘lida portlab ketgan.
Bola qo‘llardagi ochiq jarohatlar bilan kasalxonaga yetkazilgan, uning ahvoli og‘ir deb baholanmoqda.
Rossiyaning Belgorod viloyati urush boshidan buyon o‘qqa tutilib keladi, so‘nggi vaqtlarda bu yanada tez-tez sodir bo‘lmoqda. Xususan, 14-oktabr kuni viloyatda raketalar urib tushirilishi oqibatida poyezdlar harakati to‘xtatilgandi. O‘sha kuni Belgorod o‘qqa tutilishi sababli podstansiya yonib ketgan, ertasi kuni esa neft bazasida yong‘in chiqqandi. Muntazam o‘q yomg‘irlari tufayli, hudud hukumati maktablarda muddatidan avval ta’til e’lon qildi.
19-oktabr kuni Rossiya prezidenti Vladimir Putin Ukrainaning bosib olingan hududlarida harbiy holat e’lon qildi, shuningdek, chegaraga yaqin viloyatlarda, shu jumladan, Belgorodda ham “javob ko‘rsatishning o‘rtacha darajasi” maxsus rejimi joriy etildi.
Mavzuga doir:
- Belgorodda poyezdlar harakati to‘xtatildi, Kurskda elektr ta’minoti uzildi. Bu hududlar Ukraina qo‘shinlari tomonidan o‘qqa tutilgani aytilmoqda
- Belgoroddagi poligonda 11 kishi otib o‘ldirildi. Rossiya Mudofaa vazirligi buni “terakt” deb atadi
- Belgorod o‘qqa tutildi. Havo hujumidan mudofaa tizimi ishladi
Izoh (0)